సీవీఆర్ ఛానెల్ లో సంక్షోభంః జర్నలిస్టు సంఘాన్ని ఆశ్రయించిన బాధితులు . దాదాపు 50 మంది ఉద్యోగులు జర్నలిస్టు సంఘాలను కలిసిన వారిలో ఉన్నారు. పలు జర్నలిస్టు సంఘాలు వీరి సమస్య పరిష్కారానికి చొరవ తీసుకుంటామని మాటిచ్చారు. సమస్యలన్నింటినీ కూలంకుషంగా అర్ధం చేసుకున్నారు.
సీవీఆర్ ఛానెల్ జర్నలిస్టులు రోడ్డెక్కారు. కొన్నేళ్లుగా సీవీఆర్ లో పనిచేస్తున్న పలువురు సీనియర్ జర్నలిస్టులు, ఉద్యోగులు జీతాలు రాక ఆందోళన బాట పట్టారు. జీతాలు రాని వేదనని యాజమాన్యం అర్ధం చేసుకోకపోగా ఆందోళన చేస్తున్నవారిని ఉద్యోగాల నుంచి తొలగిస్తున్నారని ఆరోపిస్తూ వారు ఇవాళ తెలంగాణా యూనియన్ ఆఫ్ వర్కింగ్ జర్నలిస్ట్స్ (టి.యు.డబ్ల్యు.జె)ను ఆశ్రయించారు. సంస్థ ఛైర్మెన్ సీవీ రావు సమస్యను పరిష్కరించకపోగా, బెదిరిస్తున్నట్లు మాట్లాడారని వారు తెలంగాణా ప్రెస్ అకాడమి ఛైర్మెన్ అల్లం నారాయణకి తెలిపారు. సీవీఆర్ ఛానల్ అకృత్యాలకు పాల్పడుతోందని ఆరోపిస్తూ ఆయనకు వినతి పత్రం అందజేశారు.
ఇదిలా ఉండగా, సీవీఆర్ న్యూస్ ఛానెల్ లో గతంలో పనిచేసిన మాజీ ఉద్యోగులు తము దక్కాల్సిన సొమ్ము అందలేదని అల్లంనారాయణకు విన్నవించుకున్నారు. ప్రావిడెంట్ ఫండ్ నేటికీ సీవీఆర్ యాజమాన్యం కట్టడం లేదని, పీఎఫ్ శాఖ చట్టపరంగా తగిన చర్యలు తీసుకోవాలని అన్నారు. ఇందుకోసం అల్లం నారాయణ చొరవ తీసుకోవాలని కోరారు.
మరోపక్క సీవీఆర్ ఛానెల్ నిర్వాహణపై కూడా దీని ప్రభావం తీవ్రంగా పడినట్లు కనిపిస్తోంది. వివిధ డిపార్ట్ మెంట్ల వద్ద ఆయా శాఖ జర్నలిస్టులు, ఉద్యోగులు విధులకు దూరంగా ఉన్నారు. ఇందుకు నిదర్శనంగా సిబ్బంది కొన్ని ఫొటోలను విడుదల చేశారు.సిబ్బంది సహాయనిరాకరణతో ఇన్ పుట్ ఎడిటర్ స్థాయి జర్నలిస్టు స్క్రోలింగ్ డిపార్ట్ మెంట్ నిర్వహిస్తున్న దృశ్యాలను మీడియాకు అందజేశారు.
దాదాపు 50 మంది ఉద్యోగులు జర్నలిస్టు సంఘాలను కలిసిన వారిలో ఉన్నారు. పలు జర్నలిస్టు సంఘాలు వీరి సమస్య పరిష్కారానికి చొరవ తీసుకుంటామని మాటిచ్చారు. సమస్యలన్నింటినీ కూలంకుషంగా అర్ధం చేసుకున్నారు. టీయుడబ్ల్యుజె రాష్ట్ర ఉపాధ్యక్షులు పల్లె రవికుమార్, రమేష్ హజారీ, రాష్ట్ర నాయకులు జయప్రకాష్ తదితరులు పాల్గొన్నారు
Source:- Fb .Telugu Media News
No comments:
Post a Comment