మళ్ళీ తెలుగులో న్యూస్ చానల్ ఆలోచనలో జీ మీడియా

ప్రాంతీయభాషల్లో పూర్తి స్థాయి న్యూస్ చానల్ కంటే న్యూస్ చానల్ ను, ఎంటర్టైన్మెంట్ చానల్ ను కలిపి అందించటం లాభదాయకమని భావించిన జీ మీడియా ఇప్పుడు తన నిర్ణయాన్ని మార్చుకుంది. రెండూ వేరు వేరుగా ఉండటమే మంచిదనే అభిప్రాయానికొచ్చింది. అదే సమయంలో గతంలో మూసేసిన తెలుగు న్యూస్ చానల్ ను మళ్ళీ ప్రారంభించే దిశలో ఆలోచిస్తున్నట్టు తెలిసింది.
రెండేళ్ళకిందట  అప్పటి సీఈవో అలోక్ అగర్వాల్ టెరెస్ట్రియల్ ఎంటర్టైన్మెంట్ నెట్ వర్క్ (టేణ్)  పేరుతో ఒక హైబ్రిడ్ నమూనాను ప్రవేశపెట్టిన సంగతి తెలిసిందే. జీ రాజస్థాన్, జీ పూర్వయా, జీ కళింగ పేర్లతో న్యూస్, ఎంటర్టైన్మెంట్ కలిపి చానల్స్ ప్రారంభించారు. అయితే, ఆ ప్రయోగం అంతగా ఫలించకపోవటంతో న్యూస్, ఎంటర్టైన్మెంట్ చానల్స్ విడివిడిగా ఉండటమే మంచిదనే అభిప్రాయానికొచ్చింది. అంటే, న్యూస్ చానల్ లో న్యూస్ తో బాటు ఇన్ఫొటైన్మెంట్ కార్యక్రమాలుంటాయి తప్ప ఎంటర్టైన్మెంట్ కార్యక్రమాలు మాత్రం ఉండవు.
జనరల్ ఎంటర్టైన్మెంట్ చానల్స్ తో సమానంగా బడ్జెట్ కేటాయించటం కుదరని పని కాబట్టి న్యూస్ చానల్స్ ను వాటి సహజ స్వరూపం దెబ్బతినకుండా పూర్తి స్థాయి న్యూస్ చానల్స్ గానే ఉంచాలని యాజమాన్యం నిర్ణయించిందని తెలుస్తోంది. ఫిక్షన్ స్థానంలో నాన్ ఫిక్షన్ కార్యక్రమాలు పెంచటం ద్వారా ఖర్చు తగ్గించి న్యూస్ చానల్ లో న్యూస్, ఇన్ఫొటైన్మెంట్ మాత్రమే అందేట్టు చూస్తారు.
ఇలా ఉండగా గతంలో తెలుగులో నడిపిన  జీ 24 గంటలు చానల్ ను పునరుద్ధరించాలని కూడా యాజమాన్యం నిర్ణయించింది. అయితే, ఏదైనా ఒక రాష్ట్రానికి పరిమితం కావాలా రెండు రాష్ట్రాలకూ కలిపి ఒకే చానల్ నడపాలా అనే విషయంలో ఇంకా ఒక నిర్ణయానికి రాలేదని తెలుస్తోంది. జీ తెలుగు జనరల్ ఎంటర్టైన్మెంట్ చానల్ లో న్యూస్ బులిటెన్లు నడపాలని కొద్దినెలలకిందట భావించినా, ఆ తరువాత ఆ ఆలోచనకు పూర్తిగా స్వస్తిపలికారు.

SOurce :- telugutv.info

Arun Sagar ( Vs) Malladi Venkata Gopalakrishna...

.సమాజంలో ఎంతో కీలక పాత్ర వహించే జర్నలిష్టులు గ్రూపు రాజకీయాలు. ఈ విషయాలు ప్రజలకు తెల్సిస్తే చీ అనటం మాత్రం ఖాయం...చానల్స్ పెరిగిపోవడం టాలెంట్ తో సంబందం లేకుండా గ్రూపులు మైన్ టైన్ చేయడం..తమకు నచ్చిన వారికి సపోర్టు చేయడం నచ్చని  వారిని హెరాస్ చేయడం  ..అన్ని కంపెనీల్లో ఉండేదే కాని ఈ పీడ మీడియాలో ఇప్పుడు ఎక్కువై అక్షరాల దాడి వరకు వచ్చింది ... అరుణ్ సాగర్ గారికి గాని గోపాల మల్లాది వేంకట గోపాలకృష్ణ గారిని తప్పులేపట్టేంత అనుభవం  మాకులేదు మాకు ఇద్దరూ  అన్నా గొరవం..ఫేస్ బుక్ లో ఇద్దరు కామెంట్స్ చుసి బ్లాగ్ లో పోష్టు చేస్తూ మాకు తెల్సిన విషయాలు ఈ సందర్బంగా చెప్పాలి అనుకొంటున్నాం
శివప్రసాద్ జీ 24 న్యూస్ చానల్ కు వస్తునే తా గ్యాంగ్ ను తెచ్చుకొంటూ .. శైలేష్ రెడ్డి గారి టీం ను బైటికి పంపారు ..  ఐ న్యూస్ శ్యాం కూడా సీనియర్లను రాకుండా ఆపోష్టులను ఖాలీగా అయినా పెట్టి వచ్చిన వారిపై ఎలిగేషన్స్ ఉన్నాయని మేనేజ్ మెంట్ ను నమ్మిస్తున్నట్టూ సమాచారం..శివప్రసాద్ మళ్ళొ ఎన్ టివీలో ఎంటర్ అవ్వడమే తనకు నచ్చిన యాంకర్ ను .. కొంతమందిని ఎన్ టీవీలో ఉద్యోగాలిప్పించి తన హవా కోసాగించాలని  చూస్తున్నారు.. ఎప్పటినుంచో ఎన్ టీవిలో ఉన్న సీనియర్లకు ఇది నచ్చడంలేదు... అయినా మీడీయా మేనేజ్ మెంట్లు ఇలాంటి విషయాలను ఎందుకు ప్రోత్సహిస్తున్నారో  తెలియదు ...? ఇవి మచ్చుకు కొన్నే చాలా జరుగుతున్నాయి టాలెంటు ను ప్రోతహించండి గ్రూపు లను కాదు  తనకు నచ్చిన వాల్లను మాత్రమే ఎంకరేజ్ చేస్తే ఇది జనానికి తెలిస్తే మీడియాకు ఏతిక్స్ లేవు అని పబ్లిక్ గా నిలదీసే రోజులు వస్తాయి ..


Arun Sagar గారి వర్షన్ :-

నోటికి అన్నమే తింటున్నారా...మీ నోరు మీ ఇష్టం. కానీ ఒక్కటి గుర్తుపెట్టుకోండి. మీరందరూ ఎలక్ట్రానిక్ మీడియాలోకి, లేదంటే, అసలు ప్రింట్ మీడియా లోకి ఎలా వచ్చారో గుర్తు తెచ్చుకోండి. ఎవరు చేయూతనిస్తే మీరు ఈ రోజు ఇది వెలగబెడుతున్నారో ఒక్కసారి! ఆఖరికి నేను నెత్తురు కక్కుకుంటూ నేల రాలిపోయినప్పుడు నన్నుచూసి వెటకారంగా నవ్విన వాళ్లను, నాకు దూరంగా పారిపోయిన వాళ్లను కూడా అక్కున చేర్చుకుని ఆదరించాను. థూ.....అన్నం పెట్టిన మనిషిని కూడా వెన్నులో పొడిచే వాళ్లుంటారని నేను ఇంతకాలం అనుకోలేదు. మనుషుల మీద నా మూఢవిశ్వాసం అలాంటిది. కాని ఇప్పుడు విశ్వాసం దెబ్బతిన్నది. ఎవరి కెరీర్ వాళ్లది. ఉద్యోగం ఇచ్చాడనో లేక కెరీర్ లో బ్రేక్ ఇచ్చాడనో ఎవరూ ఎవరికీ ఊడిగం చేయక్కర్లేదు. ఎవరైనా అవకాశం ఇస్తారు. ప్రూవ్ చేసుకోవల్సింది మనమే. కాబట్టి అలా మెంటర్ల కాళ్ల దగ్గర పడి ఉండక్కర్లేదు. అలాంటి ఫ్యూడల్ భావాలకు నేను పూర్తిగా వ్యతిరేకం. కానీ కనీసమైన క్రుతజ్ఞత ఒకటి ఏడవాలి. మనకు తొలి అవకాశమో బ్రేకో ఇచ్చిన వ్యక్తిని నెత్తిన పెట్టుకోనక్కర్లేదు. పెట్టుకోకూడదు కూడా. కాని అతన్ని నేలకేసి తొక్కకూడదు. మూసుకుని కూర్చోవాలి గానీ లేని పోని దుష్ప్రచారాలు చేయకూడదు. నేనూ ఓ ట్రయినీగా ఉన్నపుడు నాకు బ్రేక్ ఇచ్చిన వ్యక్తి పట్ల నేను ఏనాడూ కృతజ్ఞత గానే ఉన్నాను. కృతఘ్నుడిలా బిహేవ్ చేయలేదు. ఆయన్ను ఎంతగానో గౌరవిస్తాను. లిఫ్ట్ దగ్గర డోర్ తీస్తాను. టేబుల్ మీద సర్వ్ చేస్తాను. నా హోదా ఎప్పుడూ ప్రకటించను. అంత చేయకపోయినా నా నుంచి ఆసరా పొందిన వాళ్లు, తీవ్రమైన సంక్షోభంలో ఉన్నపుడు నా మద్దతు పొందిన వాళ్లు- కనీసం మేలు చేయకపోయినా, నాకు హాని చేయరని కొంచెమైనా ఆశించాను. కాని ఇంత దారుణంగా డిమోలిష్ చేస్తారని అనుకోలేదు. మీరు పోతే పోయారు నో ప్రాబ్లెం. కానీ మీకు నేను ఏం ద్రోహం చేశానని ఇలా నీచమైన ప్రచారాలకు దిగుతున్నారు? అందుకే అడిగాను మీరు నోటికి అన్నమే తింటున్నారా అని. దయచేసి నా బతుకు నన్ను బతకనివ్వండి. అస్తిత్వం కోసం ఎంత పోరాటం చేశానో ఎన్ని అవమానాలు సహించానో, నా మీద ఇన్ డైరెక్ట్ గా సాటి మిత్రులు చేసిన ఎన్ని వెటకారాలు భరించి..... ఒరేయ్ మీకెప్పటికీ అర్ధం కాదు. మీరు మనుషులైతే కదరా. ఇప్పటికైనా ఆపండి. నేను సక్సెస్ అయ్యానో ఫెయిల్ అయ్యానో ఏంజరిగిందో ఎందుకు జరిగిందో నాకు తెలుసు, నా పరిమితులు, నన్ను నియంత్రించే పరిమితులేమిటొ ఈ మార్కెట్లో పోటీ ఎలాంటిదో, ఇక్కడ ఎన్ని పాములు ఉంటాయో వాటిని ఎలా తప్పించుకున్నానో నన్ను సన్నిహితంగా గమనించే వారికీ తెలుసు. నేను పాంప్లెట్లు వేసి పంచాల్సిన దుస్తితిలో లేను. మీ సర్టిఫికెట్లు అక్కర్లేదు. మడిచి ఇస్త్రీ చేసిపెట్టుకోండి. ఒరేయ్...మీరెంత గొప్పస్థానానికైనా ఎదగొచ్చు కాని ఎక్కడనుంచి వచ్చామన్నది మరిచిపోకండిరా. మీ నోరు మీ ఇష్టం ఏమైనా వాగండి బ్లాగుల్లో ఏమైనా రాసుకోండి. ఐ డోంట్ కేర్. మీ విలువ ఒక్క హెయిర్ స్ట్రాండ్.

మనిషన్నాక కొంచెమైనా హ్యుమిలిటీ ఉండాలిరా!

అయినా సరే నాకు మనుషుల మీద నమ్మకం పోదు. నేను ఈ ఆవరణాన్నీ దానిలోని సౌందర్యాన్నీ మనుషులనూ అన్ కండిషనల్గా (కొన్ని సహజమైన మినహాయింపులతో) ప్రేమిస్తూనే ఉంటాను. ఐ డోంట్ కారీ మచ్ ఆన్ ద బాక్ ఆఫ్ మై హెడ్.

(నా కోసం కొంచెం కంగారు పడ్డ నా ప్రియమిత్రులు, సహచరులకూ ఒక మాట. మీరు ఇలాంటివి నమ్మక్కర్లేదు. టైం వేస్ట్. అయాం హియర్. క్లియర్ అండ్ ప్రెజెంట్.)

-----------------:> - మల్లాది వేంకట గోపాలకృష్ణ గారి వర్షన్

ఈ ఆర్టికల్ ని చూసి నేను ఆశ్చర్యపోయాను.. చాలా ఆవేశంగా మిత్రులు కూడా స్పందించారు.. కానీ.. నేను కొన్ని నిజాల్నికూడా మీ దృష్టికి తీసుకురావాలనుకుంటున్నాను.. 

నిజాన్ని నిర్భయంగా ఒప్పుకోగలిగిన ధైర్యం ఉంటే.. కొందరి నిజస్వరూపాల గురించి ఇప్పుడు మీకు స్పష్టంగా తెలుస్తుంది.. అరుణ్ సాగర్ అనే దయగలిగిన ప్రభువు నిజజీవితంలో ఎన్ని కుట్రలు కుతంత్రాలకు పాల్పడతాడో, అరుణ్ సాగర్ అనే మహా మనీషి తన అస్థిత్వాన్ని కాపాడుకోవడంకోసం, తన కోటరీని నిలబెట్టుకోవడంకోసం ఎందరి జీవితాలను నాశనం చేశాడో మీకు కళ్లకు కట్టినట్టు తెలుస్తుంది.

అరుణ్ సాగర్ చేసిన ఎన్నో దుర్మార్గాలకు నేను ప్రత్యక్ష సాక్షిని. అరుణ్ సాగర్ నీచాతినీచమైన బిహేవియర్ కి నేను ప్రత్యక్ష సాక్షిని. కుక్షిలో అక్షరం ముక్కలు ఉన్న వాళ్లను చూసి అరుణ్ సాగర్ ఎంత దారుణంగా ఆలోచిస్తాడో.. ఎంత దారుణంగా కుళ్లుకుంటాడో.. చెప్పడాని నేను ప్రత్యక్ష సాక్షిని. 

పనికిమాలిన పోరంబోకుల్ని వెంటేసుకుని, పొట్టపొడిస్తే అక్షరం ముక్కరానోళ్లను వెనకేసుకొచ్చి, కుట్రలు కుతంత్రాలు చేసి, ప్రతిభావంతులకు మనశ్శాంతి లేకుండా చేసి మానసికంగా చంపేసి కేవలం ఓ జీవచ్ఛవంలా బతికే స్థితికి తీసుకురావడమనే కుటిల విద్యలో అరుణ్ సాగర్ ఆరితేరిన నేర్పరి. 

అదికూడా కుదరకపోతే భౌతికంగా దాడి చేయించి ప్రత్యర్ధులుగా తాను భావించేవాళ్లను చేతికి మట్టి అంటకుండా ప్రాణాలు తీయించే కుట్రల రచనలో అతను నేర్పరి. ఓ మనిషి కెరీర్ ని, అతని జీవితాన్నికూడా నాశనం చేయడానికి అరుణ్ సాగర్ వర్గం చేసే కుట్రలు కుతంత్రాలను కొన్నేళ్లపాటు చవిచూసిన ప్రత్యక్షసాక్షిని, బాధితుడిని నేను.

ఎవరు చేసిన పాపం వాళ్లని ఎప్పటికైనా కట్టి కుడుపుతుంది అన్న నమ్మకంతో ఇన్నాళ్లూ ఇన్నేళ్లూ మౌనంగా భరిస్తూ, సహిస్తూ సహనంతో కేవలం అక్షరాలను మాత్రమే నమ్ముకుని ఈనాటికీ నా ప్రయాణాన్ని కొనసాగిస్తూ వస్తున్నాను. అరుణ్ సాగర్ నాకు చేసిన ద్రోహం పది తరాలవరకూ అతన్ని కట్టికుడుపుతుంది. 

అరుణ్ సాగర్ నిన్ను నేను సూటిగా ప్రశ్నిస్తున్నాను.. నువ్వుకూడా ఓ తండ్రివేగా.. నువ్వు చేసిన పాపాలు నీ బిడ్డని కట్టి కుడపవా.. నువ్వు చేసిన దుర్మార్గాలు శాపాలై నీ బిడ్డని పట్టి పీడించవా.. 

అది తెలిసుంటే.. ప్రతిభ ఉందన్న ఒకే ఒక్క కారణంతో, అక్కసుతో, అసూయతో ఎదుటివాళ్లను బలితీసుకునే దారుణాలకు ఒడిగట్టవు. నువ్వూ నీ అనుంగు అనుచరుడు డి.శ్రీనివాస్, మరో కాపలా కుక్క కస్తూరి శ్రీనివాస్, అబ్బాస్.. టీవీ9 డెస్క్ లో పనిచేసే రోజుల్లో నన్ను ఎన్ని చిత్రహింసలు పెట్టారో నీకు గుర్తులేదా.. ఆఖరి క్షణంలో అబ్బాస్ ప్లేటు తిప్పి, రూటు మార్చి వేరే గ్రూప్ లో చేరాడు కాబట్టి తెలివిగా టీవీ9లోనే కంటిన్యూ కాగలిగాడు.. కాదంటావా.. 

ఇవాళ్ల ఓ మహనీయుడిగా చెలామణీ అవడానికి చాలా గొప్పగా వెబ్ లో ఏవో నాలుగు ముక్కలు రాసినంతమాత్రాన నువ్వు నిజంగానే మహనీయుడివి అయిపోతావా.. తెలివి ఎవడబ్బ సొత్తుకాదు.. సాగర్.. నువ్వొక్కడివే.. ఈ ప్రపంచంలో గొప్ప రాయసగాడివి కావు.. 

నిన్ను నిలదీసి సూటిగా ఒక ప్రశ్న అడుగుతున్నాను.. నీ బిడ్డ తలమీద చేయిపెట్టి ప్రమాణం చేసి చెప్పు.. నేను టీవీ9 ఉద్యోగానికి రాజీనామా చేసి నీ క్యాబిన్ కి వచ్చి.. నేను రాజీనామా చేసేశాను.. వెళ్లిపోతున్నాను.. అని చెప్పినప్పుడు.. “అవును.. ఆఫీస్ కారే గుద్దింది.. ఆఫీస్ ప్రెమైసెస్ లోనే గుద్దింది.. నువ్వు ఏం చేయగలవ్.. “ అన్న మాటల్ని నాతో అనలేదూ.. ఈ మాటలకు అర్ధం ప్రపంచం మొత్తానికీ తెలుసు. రవి ప్రకాష్ ఇప్పటికైనా తెలుసుకుంటే బాగుంటుందని నేను భావిస్తున్నాను.. 

నీకసలు హృదయమంటూ ఉంటేగా.. నిజంగా నీ బిడ్డ తలమీద చేయిపెట్టి అంతటి అబద్ధం ఆడినా.. ఆడతావు.. ఒక్క విషయం గుర్తుపెట్టుకో.. నీలో ఉన్న విద్వత్తును గౌరవించి నేను మౌనం వహించానుగానీ.. నా సంస్కారం నాకు అడ్డుపడి నేను మౌనంగా రోదించానుగానీ.. నిజానికి నీ వందిమాగధులు నాకు వెంట్రుక ముక్క కింద లెక్క.. (నువ్వు పొలైట్ గా ఇంగ్లిష్ లో రాశావు.. నేను నేరుగా తెలుగులోనే రాశాను..)

నిజానికి నిన్ను నమ్మి మోసపోయి టీవీ9కి తిరిగెళ్లిపోయిన వాళ్లు నీ గురించి ఏదో రాయించారని అనుమానపడి, అవమానం ఫీలై నీకు తోచిన నాలుగు ముక్కలు రాస్తే.. దానికి నేను ఇంతగా ప్రతిస్పందించాల్సిన అవసరం లేదు.. కానీ.. నువ్వు చేసిన దుర్మార్గాలు నాకు క్షణక్షణమూ గుర్తొస్తూనే ఉన్నాయి. అనుక్షణం నువ్వూ, నీ వందిమాగధులూ టీవీ9 డెస్క్ లో నన్ను పెట్టిన చిత్రవధ నాకు గుర్తొస్తూనే ఉంది. 

ఎన్ని కుట్రలు కుతంత్రాలు చేసినా ప్రతిస్పందించకుండా మీ పాపాన మీరే పోతారులే.. అని నేను తప్పుకుపోతే ఓర్చుకోలేక.. అక్షరాలతో నన్ను గెలవలేక, ఎలాగైనా సాధించాలన్న కసితో మీరంతా కలిసి కారుతో గుద్దించి నాకు యాక్సిడెంట్ చేయించారన్న నిజంకూడా నీ అంతట నువ్వు బయటపడితేనే, నీ మాటల్లో బయటపెడితేనే నాకు తెలిసింది తప్ప.. అప్పటివరకూ అది కాకతాళీయంగా జరిగిందన్న భావనలోనే నేను ఉన్నాను.. 

ఇన్నేళ్ల నా విలువైన జీవితాన్ని నాకు ఎవరు తిరిగిస్తారు..? డాక్టర్ల చుట్టూ తిరిగి నేను నీళ్లలా ఖర్చు పెట్టిన లక్షల్ని ఎవరు తిరిగిస్తారు? నీ మూలంగా మానసికంగా చిత్రవధ అనుభవించి.. ఇప్పటికీ కోలుకోలేని స్థితిలో ఉన్న నా కష్టాన్ని ఎవరు తీరుస్తారు.. ?

ఎదుటివాళ్లను అనడంకాదు.. గురివింద గింజలా నీ కిందున్న నలుపును నువ్వు చూసుకో.. నువ్వు నిలబడడానికి జీవితంలో కష్టాలు పడితే.. నీకు ఎదురుగా ఉన్న ప్రతిభ ఉన్న వాళ్లను నువ్వు నాశనం చేసి మరీ నిలబడాలా.. ? నువ్వు చెప్పుకు తిరిగినట్టుగా నీకు నిజంగా దమ్ముంటే.. నువ్వు నిజంగా చాలా గొప్ప రాతగాడివి అయ్యుంటే.. అసలు ఈ కుట్రలు కుతంత్రాలు ఎందుకు? ఇవన్నీ లేకుండా ప్రతిభతో నిలబడలేవా.. ?

నీలాంటివాళ్లు లక్షలు కోట్లలో ఎదురొచ్చినా తట్టుకుని నిలబడగలిగిన దమ్ము నాకుంది.. కారణం.. నా మంచితనం, భగవంతుడిమీద విశ్వాసం, నా కుక్షిలో ఉన్న ఆక్షరాలే నన్ను నిలబెడతాయన్న కాన్ఫిడెన్స్.. ఇప్పటికైనా మారు.. నువ్వు బతకడం కోసం పదిమంది జీవితాల్ని నాశనం చేసే దుష్టపు ఆలోచనను మార్చుకో.. 

నువ్వు నమ్ముతుంది, నమ్మకుంది ఎవరిని.. ఏ ఎండకాగొడుగుపట్టే డి.శ్రీనివాస్, కస్తూరి శ్రీనివాస్ లాంటి ఊసరవెల్లుల్ని.. వాళ్లకోసం, వాళ్ల పొగడ్తలకోసం, వాళ్లు పోసే మందుకోసం ఎంతో మంది మంచివాళ్లను, నిన్ను నిజంగా అభిమానించేవాళ్లను దూరం చేసుకున్నావు.. నీకుగా నువ్వు నీ చుట్టూ ఓ కోటరీని ఏర్పాటుచేసుకున్నావు.. ఆవేశంలో ఏవేవో రాసేసి నీకు నువ్వే కొందరు వందిమాగధుల్ని ఏర్పాటుచేసుకుని గ్రూపు రాజకీయాల్లో ఆరితేరినవాడివన్న నిజాన్ని ఒప్పేసుకున్నావు. 

ఇలాంటి కోటలూ కోటరీలు ఎప్పటికీ నిలవవని గుర్తుచేసుకో.. నిజంగా చెబుతున్నాను.. నువ్వంటే ఇప్పటికీ నాకు అభిమానమే.. త్రికరణ శుద్ధిగా చెబుతున్నాను.. నువ్వు నాకు ఇంత ద్రోహం చేసినా.. నేను మాత్రం ఇప్పటికీ క్షణకాలం కూడా నీ గురించి ఆలోచించనే లేదు. ఇప్పటికీ మించి పోయింది లేదు. మారు.. మనిషిగా మారు.. భగవంతుడు నిన్ను క్షమిస్తాడు.. 
- మల్లాది వేంకట గోపాలకృష్ణ