స్వ‌ప్న సుంద‌రి తెలుగు వారంద‌రికీ టీవీ9 ద్వారా ప‌రిచ‌య‌మ‌య్యారు. టీవీ9 స్వ‌ప్నగానే పేరు తెచ్చుకున్నారు. 15 ఏళ్ల సుదీర్ఘ అనుభ‌వం ఉన్న ఆమె రిల‌యెన్స్ గ్రూప్‌లో కూడా ప‌నిచేశారు. బిగ్ ఎఫ్ఎం 92.7కు రీజ‌న‌ల్ ప్రోగ్రామింగ్‌ హెడ్‌గా ప‌నిచేశారు. ప్ర‌స్తుతం సాక్షి టీవీలో ఎగ్జిక్యూటివ్ ఎడిట‌ర్‌గా ప‌నిచేస్తున్న స్వ‌ప్న ఈవారంలో రాజ్ టీవీలో బాధ్య‌త‌లు చేప‌ట్ట‌నున్నారు.రాజ్ టీవీని పూర్తి స్థాయిలో ప్ర‌క్షాళ‌న చేసి, కొత్త ఉత్సాహం, కొత్త కంటెంట్‌తో నింపాల్సిన బాధ్య‌త స్వ‌ప్న పై ఉంది. మాటీవీ గ్రూప్‌తో క‌లిసి సంగీతం, ఎంట‌ర్‌టైన్‌మెంట్ కార్య‌క్ర‌మాల నిర్వ‌హించిన అనుభ‌వం స్వ‌ప్న‌కు ప్ల‌స్ అయింది. ఇప్పుడు చీఫ్ ఆప‌రేటింగ్ ఆఫీస‌ర్‌గా బాధ్య‌త‌లు నిర్వ‌హించ‌నున్న స్వ‌ప్న క‌ర్ణాట‌క సంగీతంలో దిట్ట కూడా.
రాజ్ గ్రూప్ ఛాన‌ల్స్ ప్రారంభ‌మై 20 ఏళ్లు దాటింది. త‌మిల్‌, క‌న్న‌డ టీవీ ఇండ‌స్ట్రీలో త‌నకంటూ ఒక మార్కెట్ క్రియేట్ చేసుకుంది రాజ్.